<Зәбур 108

[1] Әз дьлда гӧман ьм, Хwәдейо, әзе бьстьрем у мьqаме ледьм р'умәта хwәва.

[2] Һ'ьшйар бьн, һәй чәнг у чәнге зис, әзе р'оже һ'ьшйар кьм.

[3] Әзе шькьрийе бьдьмә Тә, Хӧдан, нав мьләтада, әшqи Тә бьстьрем нав щьмә'тада.

[4] Чьмки һ'ӧба Тә жь ә'зман бьльндтьр ә у амьнийа Тә жи һ'әта ә'wра йә.

[5] Хwәдейо ль сәр ә'змен бьльнд бә, бьра р'умәта Тә т'әмамийа дьне бьгьрә.

[6] Бь дәсте Хwәйи р'асте мә сәр хә у бьбьһе, wәки һ'ьзкьрийед Тә азад бьн.

[7] Хwәде жь Щийе Хwәйи Пироз хәбәр да: «Әзе ша бьм, Шәхәме п'арәвәкьм, нәwала Сукоте бьпивьм.

[8] Гилә'д йа Мьн ә, Мьнашә йа Мьн ә, Әфрайим зьрьһ'е сәре Мьн ә, Щьһуда жи qанундаре Мьн ә.

[9] Моwаб дәрдана Мьнә шуштьне йә, сола Хwә Әзе бавежьмә сәр Әдоме, дьле Хwә Әзе ша кьм ль Фьльстине».

[10] К'и wе мьн бьбә бажаре суркьри? К'и wе р'ебәрийа мьн бькә һ'әта Әдоме?

[11] Тӧ нини Хwәде, кӧ Тә әм жь бәр Хwә авитьн? Тӧ т'әви ордийед мә дәрнак'әви, Хwәдейо!

[12] Жь дәсте нәйар мә хьлаз кә, чьмки п'уч' ә алик'арийа мәрьва.

[13] Әме пе Хwәде мерхасийе бькьн, т'әне Әwе дьжмьнед мә п'епәс кә.