<Зәбур 148

[1] Һалелуйа! Шькьрийе бьдьнә Хӧдан, жь ә'змен, шькьрийе бьдьнә Wи, жор жь бьльндайе.

[2] Шькьрийе бьдьнә Wи, һ'әму мьлйак'әтед Wи, шькьрийе бьдьнә Wи, һ'әму ордийед Wи.

[3] Шькьрийе бьдьнә Wи, һив у р'о, шькьрийе бьдьнә Wи, һ'әму стәйркед бьрqок.

[4] Шькьрийе бьдьнә Wи, ә'змане ә'змана у ӧса жи авед феза ә'зманада.

[5] Бьра әвана шькьрийе бьдьнә наве Хӧдан, чьмки Әwи ә'мьр кьр у әw ә'фьрин.

[6] Әвана һ'әта-һ'әтайе данә т'әстиq кьрьн, qәйдә-qанун данин, кӧ найе т'әр'ьбандьн.

[7] Шькьрийе бьдьнә Хӧдан жь ә'рде, һ'әму зийайед бә'ре у к'урайи,

[8] агьр у тәйрок, бәрф у думан, байе бобәлиск, кӧ готьна Wи дькә,

[9] ч'ийа у һ'әму т'ап у гьр, даред хwәйибәр у һ'әму әрз,

[10] дә'вә у һ'әму һ'әйwан, шульки у һ'әму тәйрәдә,

[11] п'адшайед дьнйайе у һ'әму мьләт, сәрwер у һ'әму р'ебәред дьне,

[12] хорт у qиз, аһьл у щаһьл.

[13] Бьра һ'әму шькьрийе бьдьнә наве Хӧдан, чьмки һәр т'әне наве Wи бьльнд ә, р'умәта Wи жь ә'рд у ә'змен бьльндтьр ә.

[14] Әwи струйе щьмә'та Хwә бьльнд кьр, р'умәта һ'әму амьнед Хwә, лаwед Исраел у щьмә'та Хwәйә дәлали. Һалелуйа!