<Зәбур 11

[1] Мьн хwә дайә бьн сийа Хӧдан, һун ча мьнр'а дьбежьн: «Мина ч'ьвика бьфьр'ә, һәр'ә ч'ийайед хwә?»

[2] Ва йә нәһәqа кәван саз кьрьнә у тиред хwә жи к'ьшандьнә, кӧ тә'рийеда бавежьнә йе дьле р'аст.

[3] Гава бьнгәһ wеран бә, иди йе р'аст wе чь бькә?

[4] Хӧдан П'арьстгәһа Хwәйә пирозда йә, к'ӧрсийа Хӧдан ль ә'змен ә, ч'ә'ве Wи һәр кәси дьбинә, бьжанге Wи бәни-адәм дьщер'ьбинә.

[5] Хӧдан р'аста дьщер'ьбинә, ле дьжәнә нәп'ак у йе зӧлме һ'ьз дькә.

[6] Wе сәр нәп'ака шәле агьр у к'ьрк'уте бьбаринә, байе гәрми-шәwате жи п'ара к'аса wан бьк'әвә.

[7] Чьмки Хӧдан р'аст ә, р'астийе һ'ьз дькә у йе р'аст wе нур-нәдәра Wи бьбинә.