<Зәбур 20

[1] Бьра охьрме гьранда Хӧдан гӧһ бьдә тә, наве Хwәдейе Аqуб тә хwәй кә.

[2] Бьра жь Щийе Пироз к'омәке тәр'а бьшинә у жь Сийоне пьштованийе ль тә бькә.

[3] Бьра һ'әму дийарийед тә Әw бир бинә у дийарийед тәйә т'әвайишәwате qәбул кә. (Сәла)

[4] Бьра wәкә дьле тә бьдә тә у нет-мәрәмед тә бинә сери.

[5] Пе сәрк'әтьна Тә әме ша бьн у пе наве Хwәдейе хwә але бьльнд кьн. Бьра һ'әму хwәстьнед тә Хӧдан бинә сери.

[6] Ньһа әз заньм, кӧ Хӧдан к'ьфшкьрийе Хwә сәр дьхә, жь ә'змане Хwәйи пироз щаба wи дьдә, пе дәсте Хwәйи р'асте сәрк'әтьнед зор дьдә.

[7] Һьнәк пе ә'рәба, һьнәк пе һәспа, ле әм пе наве Хwәдейе хwә дьфьр'ьн.

[8] Әwана льк'ӧмин у к'әтьн, ле әм р'абун у р'аст сәкьнин.

[9] Хӧдано! Тӧ п'адше сәр хә! Дәнге мә бьбьһе, гава әм гази Тә дькьн.