<Зәбур 114

[1] Гава Исраел жь Мьсьре дәрк'әт, мала Аqуб жь нав щьмә'та зьмане хәриб.

[2] Щьһуда бу пирозгәһа Wи, Исраел жи һ'ӧкӧмәтийа wи.

[3] Бә'ре әв йәк дит у р'әви, Урдӧн шунда вәгәр'ийа.

[4] Ч'ийа мина бәрана банздан, гьр жи мина бәрха р'ьщьфин.

[5] Чь бу тәр'а, һәй бә'ре, кӧ р'әвийи у Урдӧне кӧ тӧ шунда вәгәр'ийайи?

[6] Чьма ч'ийано wә мина бәрана банзда, һун гьр жи мина бәрха р'ьщьфин?

[7] Ә'рдо жь диндара Хwәйи бьләрьзә, жь диндара Хwәдейе Аqуб,

[8] кӧ Әw qәйе дькә гола аве, щийе кәвьри канийа аве.