<Зәбур 112

[1] Һалелуйа! Хwәзи ль wи бәндәйи, кӧ жь Хӧдан хоф дькә у т'әмийед Wи гәләки бәгәм дькә.

[2] Зӧр'әта wийе ль сәр ә'рде сәрхwә бә, дӧайе ль бәрәка р'аста бә.

[3] Мала wийе һәбукеда хьне бә, р'астийа wийе һ'әта-һ'әтайе бьминә.

[4] Тә'рийеда р'онайи дәрте сәр р'аста, әwана р'ә'м, амьн у дьлшәwат ьн.

[5] Мәрьве qәнщ р'ә'ме дькә у дәйн дьдә, һ'әму к'аре хwә бь һәqийе мийасәр дькә.

[6] Чьмки р'асте т'ӧ щар нальк'ӧмә, наве wийе һ'әта-һ'әтайе бьминә.

[7] Әw жь дәнг-бә'се хьраб натьрсә, дьле wи шьдийайи йә, Хӧданда гӧман ә.

[8] Дьлда qәwин ә, әw натьрсә, йәкә wе бәла нәйаред хwә бьбинә.

[9] Әw бәла дькә у дьдә фәqир-бәләнгаза, р'астийа wийе бьминә һ'әта-һ'әтайе , струйе wийе бь р'умәт бьльнд бә.

[10] Нәп'аке ве йәке бьбинә у һерс к'әвә, дьрана бьч'ьр'ькинә у бьһ'әлә, мәрәме нәп'ака wе бьт'әр'ьбә .