<Зәбур 57

[1] Мьн wәрә р'ә'ме, Хwәдейо, мьн wәрә р'ә'ме, нәфса мьн хwә дайә бьн сийа Тә. Һ'әта кӧ qәзи жь сәр мьнр'а дәрбаз бьн, әзе хwә бьдьмә бьн сийа п'әр'е Тә.

[2] Әз гази Хwәдейе Һәри Жорьн дькьм, Хwәдейе кӧ мьнр'а qәнщийе дькә.

[3] Wе жь ә'змен бьшинә у мьн хьлаз кә у беһӧрмәткьред мьн бькә р'обәт. (Сәла) Хwәде wе һ'ӧб у амьнийа Хwә бьшинә.

[4] Әз к'әтьмә нава шеред дәвхунә мәрьвхӧр, дьранед к'ижана тир у р'ьм ьн, зьманед wан жи шуре туж ьн.

[5] Хwәдейо ль сәр ә'змен бьльнд бә, бьра р'умәта Тә т'әмамийа дьне бьгьрә.

[6] Т'ор' авитьнә бәр ньгед мьн, нәфса мьн хwәда шкәсти бу, пешийа мьн wана ч'ә'л вәдан, ле әw хwәха к'әтьнә wе. (Сәла)

[7] Әз дьлда гӧман ьм, Хwәдейо, әз дьлда гӧман ьм. Әзе бьстьрем у мьqаме ледьм.

[8] Һ'ьшйар бә, һәй нәфса мьн, һ'ьшйар бьн, һәй чәнг у чәнге зис, әзе р'оже һ'ьшйар кьм.

[9] Әзе шькьрийе бьдьмә Тә, Хӧдан, нав мьләтада, әшqи Тә бьстьрем нав щьмә'тада.

[10] Чьмки һ'ӧба Тә мәзьн ә һ'әта ә'змен, амьнийа Тә жи һ'әта ә'wра.

[11] Хwәдейо, р'абә ль сәр ә'змен, дә бьра р'умәта Тә т'әмамийа дьне бьгьрә.