<Зәбур 143

[1] Йа Хӧдан, дӧайе мьн бьбьһе! Гӧһ бьдә һеwарза мьн, бь һәqи у амьнийа Хwә щаба мьн бьдә.

[2] Qуле Хwәр'а нәк'әвә дә'wе, чьмки т'ӧ бәндәйе бәр Тә р'аст дәрнәйе .

[3] Дьжмьн пәй мьн к'әт, ә'мьре мьн п'епәс кьр, әз авитьмә тә'ристанийе, әз бумә мина йе зува мьри.

[4] Р'ӧһ'е мьн мьнда тәмьри, дьл нав мьнда р'ьщьфи,

[5] Р'ожед бьһӧри әз бир тиньм, сәр һ'әму кьрьнед Тә дьфькьрьм, сәр кьред дәсте Тә әз к'ур дьбьм.

[6] Дәсте хwә дьрежи Тә дькьм, чаwа ә'рде зьһа һивийа аве йә, нәфса мьн жи т'ийе Тә йә. (Сәла)

[7] Щаба мьн зу бьдә, Хӧдано, р'ӧһ'е мьн те сәре позе мьн, р'уйе Хwә жь мьн вәнәшерә, кӧ нәбьмә мина йед дьк'әвьнә гор'е.

[8] Сәре сьбе һ'ӧба Хwә мьн бьдә бьһистьне, чьмки мьн гӧмана хwә данийә ль сәр Тә. Р'ийа кӧ әзе теда һәр'ьм, нишани мьн кә, чьмки нәфса хwә бәр бь Тә бьльнд дькьм.

[9] Хӧдано, мьн жь нәйара хwәй кә, мьн ә'мьре хwә спартийә Тә.

[10] Мьн һин кә, кӧ ә'мьре Тә бьqәдиньм, чьмки Тӧ Хwәдейе мьн и, бьра Р'ӧһ'е Тәйи qәнщ р'ебәре мьн бә мьн бьбә ә'рде мерг у чиман.

[11] Бона хатьре наве Хwә, ә'мьр бьдә мьн, Хӧдано, бона хатьре һәqийа Хwә, мьн жь тәнгасийе дәрхә.

[12] Бь һ'ӧба Хwә нәйаред мьн гәвәр кә ӧнда кә wан йед тәнгасийе дьдьнә мьн, чьмки әз ьм хӧламе Тә.