<Зәбур 113

[1] Һалелуйа! Пәсьне Хӧдан бьдьн, гәли хӧламед Wи, пәсьне наве Хӧдан бьдьн.

[2] Шькьрийе бьдьнә наве Хӧдан, жь ньһава һ'әта-һ'әтайе.

[3] Жь р'оһьлате һ'әта р'оавайе, һежайи пәсьна йә наве Хӧдан.

[4] Хӧдан сәр һ'әму мьләтар'а йә, р'умәта Wи феза ә'змана йә.

[5] К'и мина Хӧдан Хwәдейе мә йә, кӧ жор бьльндайеда дьминә,

[6] Хwә qуз дькә, дина Хwә дьдә ә'рд у ә'змана?

[7] Әw фәqир жь сәр хwәлийе р'адькә у бәләнгаз жь сәр к'ӧлик бьльнд дькә,

[8] wәки к'еләка ә'сьлзада бьдә р'уньштандьне, т'әви ә'сьлзадед мьләте Хwә,

[9] к'ӧлфәта бебәр малда дьдәбьринә, дькә дайика әwләда бь дьле шайә. Һалелуйа!