[1] Oi tui Song-chú chhong sîn ke sṳ̂-kô, yîn-vi Kì yû hàng khì-meu ke sṳ! Kì yung thai-nèn lâu sṳ̀n-sṳn ke li̍t-liong tet-sṳn.
[2] Song-chú chông-hién Kì ke sṳn-li; Kì tui van-koet hién-mìn Kì ke kiu-ên.
[3] Kì cheu Kì tui Yî-set-lie̍t-ngìn só yin-hí ke, yung put-pien ke chhṳ̀-oi lâu sin-sṳ̍t khoán-thai kì-têu. Chhiòn sṳ-kie khon-tó ngài-têu Song-ti ke chṳ́n-kiu.
[4] Thiên-ha van-mìn â, oi tui Song-chú fôn-fû! Ngì-têu oi yung sṳ̂-kô thai-sâng siung-chan Kì!
[5] Oi chhong-kô siung-chan Song-chú! Oi thàn su-khìm siung-chan Kì!
[6] Oi chhôi ho-thùng lâu yòng-kok, chhai Song-chú — ngài-têu ke Vòng mien-chhièn fôn-fû!
[7] Thai-hói lâu khì-chûng ke sâng-vu̍t â, oi thai-sâng fôn-fû! Thai-thi lâu thi-song ke van-vu̍t â, oi thai-sâng chhong-kô!
[8] Chhai Song-chú mien-chhièn, hò-pa oi phok-sú, khiùn-sân ya oi thùng-sâng fôn-hí chhong-kô,
[9] yîn-vi Kì oi lòi chhṳ-lî thiên-ha. Kì oi yung kûng-ngi thúng-chhṳ sṳ-kie; Kì oi yung kûng-phìn tui-thai van-mìn.