[1] Song-chú — ngài-têu ke Chú â, Ngì ke miàng chhai chhiòn sṳ-kie he ngióng-pân ke ví-thai! Siung-chan Ngì ke sâng-yîm chhòn-phien mân-thiên;
[2] lièn ô-nga lâu se-ngìn-è ya yit-thùng chhong-kô. Ngì yung kì-têu ke kô-sâng kien-li̍p nèn-li̍t, fòng-phi Ngì ke thi̍t-ngìn; Ngì chú-chṳ́ sù-thi̍t tui Ngì ke kûng-kit.
[3] Ngài ngo-thèu khon Ngì chhîn-sú chhóng-chho ke thiên, khon Ngì só phài-lie̍t ke ngie̍t-kông lâu sên-sṳ̀n.
[4] Â! Ngìn son má-ke, Ngì ku-ngiam kì! Voi hiú-fai ke ngìn son má-ke, Ngì khon-ku kì!
[5] Ngì chho kì chṳ́-yû pí Ngì chhṳ-kâ kha-se yit-si̍t-é thin-thin; Ngì yung yùng-kông chûn-kui cho kì ke miên-liù.
[6] Ngì pûn kì kón-lî Ngì sú só-chho ke van-vu̍t, chiông yit-chhiet piong chhai kì ke kiok-hâ:
[7] Ngiù, yòng, yâ-sâng ke khìm-chhu,
[8] thiên-khûng ke fî-niâu, súi-chûng ke ǹg, hói-tú ke sâng-vu̍t, chhiòn-phu kâu-pûn kì kón-lî.
[9] Song-chú — ngài-têu ke Chú â, Ngì ke miàng chhai chhiòn sṳ-kie he ngióng-pân ke ví-thai!