[1] Chhui chhai fái-ngìn ke sîm-tái kín-kóng; chhai kì khon-lòi, m̀-sṳ́ kiâng Song-ti.
[2] Chhui-ngìn chhṳ-kô chhṳ-thai, láu-tó Song-ti m̀-voi fat-kok, m̀-voi chit-fa̍t kì ke chhui.
[3] Kì mân-choi he sià-ok lâu kúi-cha; kì chó chhiu mò chṳ-fi, mò hàng-san.
[4] Kì sông-chhòng heu hàn-he thù-mèu fái-sṳ, só-oi hàng ke chhiòn-phu m̀-he hó-sṳ; kì chhiùng-lòi m̀-sṳt khî-chhie̍t chhui-ok.
[5] Song-chú â, Ngì put-pien ke chhṳ̀-oi kô-to tù-thiên; Ngì ke sin-sṳ̍t tha̍t-to kiûng-chhông.
[6] Ngì ke kûng-ngi chhiong kô-sân vún-ku; Ngì ke phan-ton chhiong chhṳ̂m-yên nàn-chhet. Mò-lun he ngìn ya-he thèu-sâng, Song-chú â, Ngì chhiòn-phu khon-ku!
[7] Song-ti â, Ngì put-pien ke chhṳ̀-oi sṳ̍t-chhai pó-kui! Sṳ-kiên-ngìn chhai Ngì ke yi̍t-kap hâ chhìm-tó pí-yu.
[8] Kì-têu chhai Ngì ke vuk-hâ hióng-su yèn-si̍t; Ngì pûn kì-têu lîm Ngì khoai-lo̍k ke chhièn-súi.
[9] Ngì chhiu-he yit-chhiet sâng-miang ke ngièn-thèu; chhai Ngì ke kông chûng, ngài-têu khon-tó kông.
[10] Khiù Ngì yit-chhṳ̍t thung-siak ngin-sṳt Ngì ke ngìn; khiù Ngì ki-siu̍k pûn chṳn-chhṳ̍t ke ngìn kûng-tho.
[11] Mo̍k pûn kiêu-ngau ke ngìn châu-tha̍p tó ngài; mo̍k pûn sià-ok ke ngìn chiông ngài kiuk-chéu.
[12] Ngì khon, chok-ok ke ngìn vang lo̍k-hi lé; yí-kîn súng-vang lé, hong m̀ hí-lòi lé!