[1] Song-chú â, ngài chhiòn-sîm kám-chhia Ngì, chhai chung sṳ̀n-mìn mien-chhièn kô-siung Ngì.
[2] Ngài oi hiong Ngì ke sṳn-só khúi-pai; ngài oi yîn-vi Ngì ke chhṳ̀-oi lâu sin-sṳ̍t siung-chan Ngì ke miàng; yîn-vi Ngì yû sṳ́ Ngì ke miàng lâu Ngì ke fa chhêu-ye̍t yit-chhiet.
[3] Ngài khiù-ham ke sṳ̀, Ngì chhiu en ngài; Ngì yung Ngì ke thai-nèn kú-li ngài.
[4] Song-chú â, thi-song ke kiûn-vòng oi siung-chan Ngì, yîn-vi kì-têu yû thâng-tó Ngì só-kóng ke fa.
[5] Kì-têu oi kô-siung Song-chú ke chok-vì, yîn-vi Song-chú ke yùng-kông sṳ̍p-fûn thai.
[6] Song-chú chṳ-kô, chúng-he khon-ku pî-mì ke ngìn; siông-lì chhin yén, chúng-he Kì tî má-ngìn kiêu-ngau.
[7] Ngài pûn fam-nan vì-khun, chúng-he Ngì pí-yu ngài, pûn ngài ôn-chhiòn; sù-thi̍t tui ngài fat-khién, Ngì chhûn-sú chú-tóng, yung thai-nèn kiu ngài.
[8] Song-chú yit-thin voi sṳ̀n-chhiòn Kì tui ngài ke yin-hí! Song-chú â, Ngì ke chhṳ̀-oi yún-yén chhòng-chhùn! Khiù Ngì m̀-hó piong-thet Ngì chhîn-sú só-cho ke!