[1] Ngài ke Song-ti, ngài ke phien-fu-chá â, ngài khiù-ham ke sṳ̀, khiù Ngì en ngài! Ngài sṳt chhai fam-nan chûng tet-tó Ngì ke théu-piong; liá-ha, khiù Ngì lìn-mén ngài, thâng ngài ke khì-tó!
[2] Ngì liá-têu ngìn â, ngì-têu chiông ngài ke yùng-kông pien-cho vú-yu̍k oi-to kí-sṳ̀ nè? Ngì-têu oi hî-ká, hau fâ-liâu, oi-to kí-sṳ̀ nè?
[3] Oi tî, Song-chú fûn-phe̍t kin-khièn ke ngìn kûi-su̍k Kì; Song-chú yit-thin voi thâng ngài ke khiù-ham.
[4] Ngì-têu oi kiâng lu̍k-lu̍k-é, mo̍k chai fam-chhui; chhai mìn-chhòng-táng ke sṳ̀, oi tiâm-tiâm fán-sén.
[5] Oi hien-song yin-tông hien ke chi, yit-sîm yit-yi sin-kho Song-chú.
[6] Chhin-tô ngìn kóng: “Má-ngìn voi sṳ́ ngài-têu chhìm-tó fuk-hi nè?” Song-chú â, khiù Ngì yung chhṳ̀-oi kông-cheu ngài-têu!
[7] Ngì su-pûn ngài nui-sîm ke fôn-hí, yàng-ko kì-têu ke ńg-kuk fûng-tên, sîn-chiú mân-chhò.
[8] Ngài yit mìn hâ-hi, chhiu phìn-phìn ôn-ôn soi-to thiên-kông; Song-chú â, pûn ngài he̍t-to ôn-ôn chhiòn-chhiòn ke chhiu-he Ngì.