[1] Song-chú chṳ-thai! Chhai ngài-têu Song-ti ke sàng-nui, chhai Kì ke sṳn-sân-táng, Kì yin-tông su chui-thai ke chan-mî!
[2] Song-ti ke Siak-ôn-sân chhin-chiâng chhin-kô; thai kiûn-vòng ke sàng sṳ́ van-mìn fôn-hí.
[3] Song-ti chhai sàng ke kiûng-thien tî-poi; Kì hién-mìn chhṳ-kâ he phit-nan-só.
[4] Lie̍t-pâng ke vòng chhi-si̍p khiung-ha, siông-khiung lòi kûng-tá Siak-ôn-sân.
[5] Kì-têu yit khon-tó liá-sàng chhiu thai chho̍k-kiâng; kì-têu kiâng-to mò kat-sat, kiak-kiak thò-chéu.
[6] Chhai ke-vi kì-têu yu chho̍k-kiâng yu thung-khú, chhiong fu-ngìn-kâ kiung-chṳ́ ke sṳ̀ án kân-khú,
[7] chhiong Thâ-sṳ̂ ke fo-sòn pûn tûng-fûng tá-lan án-chhám.
[8] Chhai Song-chú, Van-kiûn ke Ngièn-soi — ngài-têu Song-ti ke sàng-nui, thèu-pái ngài-têu só thâng-kóng ke, liá-ha ngài-têu khon-tó lé; Song-ti yit-thin voi pó-fu liá-sàng, chhṳ̍t-to yún-yén.
[9] Song-ti â, chhai Ngì ke sṳn-thien chûng, ngài-têu sióng-ngiam Ngì put-pien ke chhṳ̀-oi.
[10] Song-ti â, mân thiên-ha ke ngìn siung-chan Ngì; Ngì ke miàng chhòn-phien chhiòn sṳ-kie! Ngì yung chṳn-ngi thúng-chhṳ;
[11] ngien Siak-ôn-sân fôn-hí! Ngien Yù-thai ke sàng-sṳ khoai-lo̍k, yîn-vi Ngì ke sṳ́m-phan kûng-chṳn!
[12] Ngì-têu oi tîn-tén Siak-ôn lòi-hàng, son kì ke sàng-lèu khon yû kí-tô;
[13] oi siòng-se khon sàng-chhiòng lâu sàng-pó, hó lâu ngì-têu ke heu-thoi chhòn-kóng:
[14] Liá Song-ti yún-yún yén-yén he ngài-têu ke Song-ti; Kì yit-thin voi sṳ-sṳ thoi-thoi tai-liâng ngài-têu.