[1] Song-chú â, khiù Ngì m̀-hó fat-khién lòi chit-phi ngài; ya m̀-hó chhai thai fat-khién chṳ̂-chûng lòi chit-fa̍t ngài!
[2] Song-chú â, khiù Ngì lìn-mén ngài, yîn-vi ngài ke sṳ̂n-thí fî-sòng ngiôn-ngio̍k; Song-chú â, khiù Ngì yî-chhṳ ngài, yîn-vi ngài ke kut-thèu kiâng-to kín-chûn.
[3] Ngài ke sṳ̂n-sîm ya chhin chho̍k-kiâng; Song-chú â, oi ki-siu̍k to kí-sṳ̀ nè?
[4] Song-chú â, khiù Ngì fì-sîm chón-yi lòi-kiu ngài! Yîn-vi Ngì put-pien ke chhṳ̀-oi, khiù Ngì chṳ́n-kiu ngài!
[5] Ko-sṳ̂n ke ngìn mò khó-nèn ki-ngiam Ngì! Kám yû má-ngìn chhai yîm-kiên siung-chan Ngì?
[6] Ngài kín-chhên, chhên-to mò pan-ti̍t li̍t; tak am-pû, ngài ke muk-chṳp chhiong cho thai-súi, yim-to kûi mìn-chhòng, phî-kut ya sṳp-ta̍p-ta̍p.
[7] Ngài sông-sîm kieu-to mò muk-chṳp, muk-chû chúng-chúng; ke-têu tui-thi̍t hoi ngài ngién-muk fûn-fâ.
[8] Ngì liá-têu chok-ok ke ngìn â, sám-chéu! Yîn-vi Song-chú thâng-tó ngài ke kieu-sâng lé.
[9] Song-chú yí-kîn thâng-tó ngài ke khién-khiù; Song-chú thin-chho̍k chiap-su ngài ke khì-tó.
[10] Ngài ke tui-thi̍t chhiòn-phu voi chhin kien-seu, fî-sòng chho̍k-kiâng; kì-têu voi fut-yèn-kiên su-chhin vú-yu̍k, chéu-to chhiang-chhiang.