<Sṳ̂-Phiên 124

[1] Yî-set-lie̍t â, ngì kóng khon-é! Song-chú na mò pông-chhu ngài-têu, ngì kóng, ngài-têu voi ngióng-pân nè?

[2] “Na m̀-he Song-chú pông-chhu ngài-têu, án-ngiòng, tông sù-thi̍t kûng-kit ngài-têu,

[3] tui ngài-têu thai fat-khién ke sṳ̀-chiet, chó chhiu chiông ngài-têu sâng-sâng thûn-thet;

[4] thai-súi chó chhiu chiông ngài-têu tá-chéu, pô-long chó chhiu chiông ngài-têu yim-ko,

[5] kip-liù chó chhiu yim-sí ngài-têu lô!”

[6] Ngài-têu oi kám-chhia Song-chú! Kì mò yù-chhai ngài-têu pûn sù-thi̍t sṳ̍t-thet.

[7] Ngài-têu chhiong tiâu-é tui lia̍p-ngìn ke lò-mióng thò-chéu; mióng-è lie̍t-thet, ngài-têu chhiu tet-tó chhṳ-yù.

[8] Ngài-têu ke pông-chhu tui Song-chú lòi; Kì he chhóng-chho thiên-thi ke Chú-chái.