[1] Hâ-li-lu-yá! Ngài ke sîm â, ngì oi chan-mî Song-chú!
[2] Ngài hàn sâng ke sṳ̀-chiet oi chan-mî Song-chú! Ngài yit-sên-ngìn oi kô-siung ngài ke Song-ti!
[3] Ngì-têu m̀-hó yí-kho yû khièn-sṳ ke ngìn, m̀-hó yí-kho sṳ-kiên-ngìn; kì yit-si̍t-é tû put-nèn pông-chhu.
[4] Kì-têu ke hi yit-thôn chhiu kûi-thú; kì-têu ke kie-va̍k tông-ngit chhiu mò-yung.
[5] Tet-tó Ngâ-kok ke Song-ti lòi pông-chhu ke ngìn, chṳ̂n-yû fuk-hi ô! Ngióng-mong Song-chú — kì ke Song-ti, liá ngìn sṳ̍t-chhai yû fuk-hi ô!
[6] Song-ti chhóng-chho thiên, thi, hói lâu khì-chûng ke van-vu̍t; Kì chhṳ̀-sú sin-sṳ̍t chhṳ̍t-to yún-yén.
[7] Kì vi-tó ke-têu su khî-ap ke chú-chhṳ̀ kûng-tho; Kì pûn tú-kî ke ngìn yû-hó sṳ̍t. Song-chú sṳ́ ke-têu pûn-ngìn koân ke tet-tó chhṳ-yù;
[8] Song-chú pûn mô-muk ke ngìn khon-tet-tó. Song-chú fù-chhṳ̀ ke-têu su ap-chṳ ke ngìn; Song-chú thung-siak chṳn-chhṳ̍t ke ngìn.
[9] Song-chú pó-fu chhut-ngoi-ngìn, fù-chhṳ̀ kû-yì koá-fu; chúng-he Kì oi pho-fai ok-ngìn ke kúi-kie.
[10] Song-chú oi cho Vòng to yún-yén! Siak-ôn â, ngì ke Song-ti oi chóng-khièn to van-thoi! Hâ-li-lu-yá!