[1] Song-chú chhiu-he ngài ke phit-nan-só. Ngì-têu ngióng-pân cho-tet tui ngài kóng: “Ngì oi chhiong tiâu-é pî-ngi̍p chhṳ̂m-sân,
[2] yîn-vi ke-têu fái-ngìn khôi-kiûng tap-chien, oi am-chûng sa sîm-kôn chṳn-chhṳ̍t ke ngìn.
[3] Kîn-kî na-he pûn-ngìn fí-me̍t, ngi-ngìn hàn nèn cho má-ke nè?”
[4] Song-chú chhai Kì ke sṳn-thien tông-chûng; Song-chú ke pó-chho sat chhai thiên-táng. Kì ke muk-chû khon-tén sṳ-kiên-ngìn, kam-chhat kì-têu ke só-hàng só-cho.
[5] Song-chú kháu-ngiam ngi-ngìn lâu fái-ngìn; Kì tông yen-hen hau khiòng-phau ke ngìn.
[6] Kì oi chiông sa̍k-than-fó lâu liù-vòng-fó kong chhai fái-ngìn sṳ̂n-song, yung ngie̍t-sí ngìn ke sêu-fûng lòi po-yin kì-têu.
[7] Song-chú he kûng-ngi ke, Kì fôn-hí kûng-chṳn ke hàng-vì; chṳn-chhṳ̍t ke ngìn yit-thin voi chhèu-kien Kì ke mien.