[1] Song-chú â, ngài khiù-ham Ngì; kiak-kiak lòi pông-chhu ngài! Ngài khiù-ham Ngì ke sṳ̀, khiù Ngì chet-ngí chhùi-thâng ngài ke sâng!
[2] Ngien ngài ke khì-tó chhiong sêu-hiông ke yên chhung-to Ngì mien-chhièn; ngien ngài khià-sú khì-tó, chhiong-he lìm-am-é hien ke chi.
[3] Song-chú â, kón-chṳ ngài ke choi; khiù Ngì sú-tén ngài ke choi-khûng.
[4] M̀-hó pûn ngài ke sîm vâi-chéu, mo̍k lâu chok-ok ke ngìn khiung-ha cho fái-sṳ; kim-chṳ́ ngài chhâm-kâ kì-têu ke yèn-si̍t.
[5] Ngài kâm-ngien chiap-su ngi-ngìn oi-sîm ke chit-tá; chúng-he ngài m̀-hén chiap-su fái-ngìn ke chûn-kin, fán-chón sòng chhai khì-tó chûng fán-tui kì-têu ke fái hàng-vì.
[6] Kì-têu ke liâng-chhiu pûn-ngìn phiâng-lo̍k sân-ngàm hâ ke sṳ̀, thai-kâ chhiu voi sṳ̀n-ngin ngài só-kóng ke fa he chṳ̂n-sṳ̍t.
[7] Kì-têu ke kut-thèu voi pûn-ngìn fit chhai chhúng-pû sùn, chhiong-he chám-thôn pho-sui ke chhèu san-to mân-thi.
[8] Chúng-he, Chṳ-kô ke Song-chú â, ngài ke muk-chû ngióng-mong Ngì; ngài chhìm-khiù Ngì ke pí-yu; khiù Ngì m̀-hó piong-thet ngài!
[9] Khiù Ngì m̀-hó pûn ngài ham-ngi̍p kì-têu ke kî-koân; kiu ngài thot-lì ke-têu fái-ngìn só-yet ke ham-chiáng.
[10] Ngien fái-ngìn ham-lo̍k chhṳ-kâ ke lò-mióng, ngài chhiu yû-hó phìn-phìn ôn-ôn kîn-ko.