[1] Song-ti â, khiù Ngì siên-phan ngài mò-chhui, chhai m̀ kin-khièn ke ngìn chûng-kiên vi ngài phien-fu; khiù Ngì kiu ngài thot-lì kúi-cha sià-ok ke ngìn.
[2] Ngì he pí-yu ngài ke Song-ti; Ngì cho-má-ke chiông ngài piong-thet nè? Ngài cho-má-ke tù-tó sù-thi̍t ke pet-hoi, sṳ̍t án-tô khú?
[3] Khiù Ngì hién-chhut Ngì ke kông lâu chṳ̂n-lî lòi yîn-thô ngài, tai ngài chón-hi Ngì ke sṳn-sân Siak-ôn, to Ngì só-he̍t ke sṳn-só hi!
[4] Án-ngiòng, Song-ti â, ngài oi hi Ngì ke chi-thàn chhièn, hi-to su ngài fôn-hí khoai-lo̍k ke Song-ti mien-chhièn. Song-ti, ngài ke Song-ti â, ngài oi thàn-khìm siung-chan Ngì!
[5] Ngài ke sîm â, cho-má-ke án sông-sîm? Cho-má-ke chhên mò-thìn? Oi ngióng-mong Song-ti, chai yit-pái siung-chan Kì; Kì he ngài ke kiu-chú, ngài ke Song-ti.