[1] Song-ti â, khiù Ngì chet-ngí thâng ngài ke khì-tó; m̀-hó m̀-tap ngài, yù-chhai ngài kín-khiù.
[2] Khiù Ngì liù-sîm thâng ngài, en ngài; ngài fàn-chhau to mò-kat mò-sat.
[3] Sù-thi̍t khiúng-hak ngài, fái-ngìn ap-pet ngài; kì-têu chṳ-chho châi-nan hoi ngài; kì-têu thai fat-khién, sióng-oi mèu-hoi ngài.
[4] Ngài ke sîm chhûng-mân thung-khú; kiâng-sí ke kám-kok kín pet ngài.
[5] Ngài kûi-sṳ̂n kiâng-to pi̍t-pi̍t-chhat, chhiong-he voi pûn chho̍k-kiâng chim-sí.
[6] Ngài kóng: “Chṳ̂n hî-mong ngài yû yi̍t-kap, chhiong ngie̍t-kap-è yit-yong! Ngài chhiu cho-tet pî-hi chhìm hiû-sit ke só-chhai.
[7] Ngài yit-thin voi pî-to yén-yén ke thi-fông, hi khóng-yâ hiet.
[8] Ngài voi kiak-kiak chhìm yit-ke phit-nan-só, hó chhai ke-vi sám-phit khòng-fûng phau-yí.”
[9] Chú â, khiù Ngì pien-lon thi̍t-ngìn ke khiông-khiéu; yîn-vi ngài khon-tó sàng-nui yû phau-thung lâu siông-châng.
[10] Kì-têu ngit-ya chhai sàng-chhiòng táng-kô sùn-lòi sùn-hi; sàng-nui chhûng-mân chhui-ok lâu châi-nan.
[11] Tak só-chhai yû pho-fai ke hàng-thung; kiê-hong chhûng-mân khî-ap lâu kiên-cha.
[12] Na-he tui-thi̍t met-sa ngài, ngài hàn-yû phan-fap ngiûn-su; na-he thi̍t-ngìn kûng-kit ngài, ngài hàn cho-tet sám-phit kì.
[13] Mò sióng-tó he ngì — ngài ke thùng-phân, ngài ke tî-kí, ngài chhîn-me̍t ke phèn-yû!
[14] Ngài-têu sṳt fu-siông kâu-thàm to chhin-yû tap-toi, ngài-têu sṳt thùng chung-ngìn khiung-ha chhai sṳn-thien kin-pai kâu-phòi.
[15] Ngien ngài ke sù-thi̍t fut-yèn sí-thet! Ngien kì-têu sâng-sâng tiet-lo̍k yîm-kiên! Yîn-vi kì-têu ke vuk-hâ lâu sîm-kôn lûng-chúng chhûng-mân sià-ok.
[16] Chúng-he, ngài oi khiù-ham Song-ti; Song-chú yit-thin voi chṳ́n-kiu ngài.
[17] Mò-lun chêu-sṳ̀n, tông-chu, am-pû-thèu, ngài kín khiù-ham, yu kín théu-thai-hi; Kì yit-thin voi thâng ngài ke chhên-sâng.
[18] Sûi-yèn yû yit thai-khiùn ke thi̍t-ngìn thùng ngài siông-chhṳ̀, Kì voi chṳ́n-kiu ngài phìn-ôn tui chan-chhòng to-chón-lòi.
[19] Song-ti tui kú-chó chhiu yit-chhṳ̍t he chóng-khièn-chá; Kì yit-thin voi thâng-tó, sṳ́ kì-têu hòng-fu̍k, yîn-vi kì-têu m̀-hén kói-pien, ya m̀-kiâng Song-ti.
[20] Ngài ke thùng-phân kûng-kit phèn-yû; kì vì-poi chhṳ-kâ ke khie-yok.
[21] Kì ke choi pí nen-yù kha-va̍t, chúng-he sîm-tú sióng ke he chên-teu. Kì ke fa pí yù hàn-kha ngiôn, khì-sṳ̍t he pâng-chhut ke li-kiam.
[22] Ngì yin-tông chiông chhûng-tâm kâu-pûn Song-chú, Kì chhiu voi fù-chhṳ̀ ngì; Kì yún-yén m̀-voi pûn ngi-ngìn sṳt-phai.
[23] Chúng-he Song-ti â, Ngì oi chiông hiûng-ok ke ngìn fit-lo̍k yîm-kiên; Ngì oi sṳ́ hàng-sṳ kúi-cha ke ngìn yêu-chat. Lun-tó ngài, ngài oi chhiòn-sîm sin-kho Ngì.