[1] Ngài oi kô-siung Ngì ke chhṳ̀-oi lâu kûng-ngi; Song-chú â, ngài oi chhong-kô lòi siung-chan Ngì!
[2] Ngài oi se-ngi hàng ngìn-sên vàn-chhiòn ke lu. Ngì oi to kí-sṳ̀ chang lòi ngài liá-vi nè? Ngài chhai vòng-kiûng tî-poi oi ko sùn-kiet ke sên-fa̍t;
[3] ngài chhie̍t-tui m̀ pûn sià-ok fat-sên chhai ngài ngién-chhièn. Ngài chhin-nâu phoi-ngia̍k Song-ti ke ngìn só-cho ke; ngài chhie̍t-tui m̀ pûn kì-têu ke hàng-vì chhe-tó.
[4] Ngài m̀ pûn ngài ke sîm-kôn vâi-chéu; ngài chhie̍t-tui m̀-tap sià-ok ke sṳ.
[5] Ngài oi sêu-me̍t am-chûng fí-pong phèn-yû ke ngìn; ngài put-chún yû má-ngìn kiêu-ngau, chhṳ-kô chhṳ-thai.
[6] Ngài oi khon-ku tui Song-ti chûng-sîm ke ngìn, ngài oi pûn kì-têu he̍t chhai ngài ke vòng-kiûng; hàng-vì vàn-chhiòn ke chang cho-tet fu̍k-sṳ ngài.
[7] Kúi-cha ke ngìn cho-m̀-tet he̍t chhai ngài ke vòng-kiûng; ká-hó ke ngìn cho-m̀-tet khî chhai ngài ke mien-chhièn.
[8] Ngài tak-ngit thiên yit kông oi sêu-me̍t koet-nui só-yû ke fái-ngìn; ngài oi chiông yit-chhiet chok-ok ke ngìn tui Song-chú ke sàng chién-chhù.