[1] Oi tui Song-ti ngài-têu ke li̍t-liong fôn-hí chhong-kô! Oi thai-sâng siung-chan Ngâ-kok ke Song-ti!
[2] Oi chhong-kô, tá lìn-kú, oi yung khìm lâu hièn lòi-thàn hó-thâng ke yîm-ngo̍k.
[3] Chhû-yit ke-ngit oi phùn yòng-kok, sṳ̍p-ńg ko-chiet sṳ̀ ya oi phùn.
[4] Liá he pûn Yî-set-lie̍t ke kûi-chet, he Ngâ-kok ke Song-ti min-lin ke.
[5] Kì chhut-fat kûng-kit Âi-khi̍p ke sṳ̀, chiông liá fap-lin kâu-pûn Yok-sit ke heu-thoi. Ngài thâng-tó ngài mò mìn-pha̍k ke sâng-yîm kóng:
[6] “He Ngài chiông ngì kiên-thèu-táng ke chhûng-tâm sái-chéu; Ngài sṳ́ ngì piong-hâ chông-mân chôn-é ke pun-kî.
[7] Ngì chhai kip-nan chûng khiù Ngài, Ngài chhiu kiu ngì. Ngài chhai hióng lùi-kûng ke me̍t-yùn chûng en ngì, chhai Mí-li-pâ ke chhièn-súi sùn kháu-ngiam ngì.
[8] Ngài ke chṳ́-mìn â, oi thâng Ngài ke khien-va! Yî-set-lie̍t â, hî-mong ngì voi thâng-chhiùng Ngài!
[9] Ngì chhie̍t-tui cho-m̀-tet sṳ-fung ngoi-pâng-ngìn ke sṳ̀n-mìn; Ngài yî-ngoi, ngì chhiên-van cho-m̀-tet khúi-pai phe̍t ke sṳ̀n.
[10] Ngài he Song-chú — ngì ke Song-ti; Ngài tui Âi-khi̍p tai ngì chhut-lòi. Tá-khôi ngì ke choi, Ngài voi vi-páu ngì.
[11] “Chúng-he Ngài ke chṳ́-mìn m̀-thâng Ngài ke fa; Yî-set-lie̍t-ngìn m̀-hén vàn-chhiòn fu̍k-chhiùng Ngài.
[12] Só-yî Ngài yù-chhai kì-têu ngang-kiáng, hi cheu kì-têu ke ngong-tong hàng-sṳ.
[13] Chṳ̂n hî-mong Ngài ke chṳ́-mìn voi thâng Ngài ke fa! Chṳ̂n hî-mong Yî-set-lie̍t voi chûn-hàng Ngài ke tho!
[14] Ngài voi chhin-kiak chṳ-fu̍k kì-têu ke sù-thi̍t, kûng-kit só-yû lâu kì-têu chok-tui ke ngìn.
[15] Hen Ngài ke voi hòng-fu̍k chhai Ngài mien-chhièn; kì-têu voi su chit-fa̍t chhṳ̍t-to yún-yén.
[16] Chúng-he, Ngài voi yung chui-hó ke ma̍k-é lòi yông-yuk ngì-têu, ya su ngì-têu sa̍k-phung chûng ke phûng-thòng, sṳ́ ngì-têu páu-chiuk.”