[1] Song-ti â, khiù Ngì thâng ngài ke khiù-ham; khiù Ngì chet-ngí chhùi-thâng ngài ke khì-tó.
[2] Ngài chhai yén-lì kâ-mùn ke thi-khi̍t, ngài sîm-kôn vut-chut, ngài khiù-ham Ngì. Khiù Ngì tai ngài to ôn-chhiòn ke phit-nan-só!
[3] Sṳ-sṳ̍t-song Ngì chhiu-he ngài ke pó-fu-chá, he ngài tí-khong thi̍t-ngìn kiên-khiòng ke sàng-pó.
[4] Khiù Ngì pûn ngài yún-yén he̍t chhai Ngì ke chong-phùng tú; pûn ngài chhai Ngì ke yi̍t-kap hâ-poi tet-tó pí-yu.
[5] Song-ti â, yîn-vi Ngì yû thâng ngài só-hí ke ngien; Ngì su ngài kin-vi Ngì ke ngìn yin-tet ke sán-ngia̍p.
[6] Khiù Ngì chen-kâ koet-vòng ke su-ngièn, pûn kì chhòng-miang to van-sṳ van-thoi!
[7] Song-ti â, ngien kì chhai Ngì ke mien-chhièn yún-yén cho vòng; ngien Ngì yung sin-sṳ̍t lâu put-pien ke chhṳ̀-oi pó-fu kì.
[8] Án-ngiòng, ngài chhiu yún-yén chhong-kô siung-chan Ngì ke miàng; ngài hàn-oi tak-ngit tui Ngì vàn ngài só-hí ke ngien.