[1] Song-ti â, Ngì sṳt khî-chhie̍t ngài-têu, pho-fai ngài-têu; Ngì sṳt tui ngài-têu fat-khién, liá-ha khiù Ngì fu̍k-hîn ngài-têu!
[2] Ngì sṳ́ thai-thi chûn-to chhin li-hoi, pûn kì lie̍t-khôi; liá-ha, khiù Ngì siû-pú, yîn-vi kì voi sui-thet lé!
[3] Ngì sṳ́ Ngì ke chṳ́-mìn tù-tó kiên-nàn khun-khú; Ngì sṳ́ ngài-têu chhiong lîm ngiàm-chiú vang-lòi vang-hi.
[4] Ngì sṳt vi kin-vi Ngì ke ngìn chhap yit-kî khì-è, pûn kì-têu chhi-si̍p chhai khì-hâ, lòi sám-khôi kiûng-chien.
[5] Vi-tó oi pûn Ngì só-siak ke chṳ́-mìn tet-kiu, khiù Ngì en ngài-têu, yung thai-nèn chṳ́n-kiu ngài-têu.
[6] Song-ti tui Kì ke sṳn-só siên-ko kóng: “Ngài oi tá-yàng, Ngài oi fûn-lie̍t Sṳ-kiam, chiông Sû-kot sân-lak pûn-pûn Ngài ke chṳ́-mìn.
[7] Kî-lie̍t he su̍k Ngài ke, Mâ-nâ-sî ya su̍k Ngài; Yî-fap-lièn he Ngài ke thèu-khûi; Yù-thai chhiu-he Ngài ke khièn-chhóng.
[8] Mô-ap he Ngài ke sé-kiok-phùn; Yî-tûng chhiu-he Ngài ke thi-phàn; Fî-li-sṳ he Ngài ke sú-hâ phai-chiong.”
[9] Má-ngìn nèn tai ngài tá-ngi̍p liá kiên-ku ke sàng? Má-ngìn nèn tai-liâng ngài hi-to Yî-tûng ke thi?
[10] Song-ti â, Ngì chṳn-kîn chiông ngài-têu fit-thet lé he-mò? Ngì m̀ thùng ngài-têu ke kiûn-chhui khiung-ha chhut-chan he-mò?
[11] Khiù Ngì pông-chhu ngài-têu kûng-kit thi̍t-ngìn, yîn-vi ngìn ke pông-chhu chhiòn-mò lu-yung.
[12] Yû Song-ti khiung-ha, ngài-têu chhiu voi sṳn-li; Kì yit-thin voi chien-tha̍p ngài-têu ke sù-thi̍t.