[1] Koân-sîm khiùng-khú-ngìn ke, sṳ̍t-chhai yû fuk-hi! Tù-tó fam-nan ke sṳ̀, Song-chú voi kiu kì.
[2] Song-chú oi pí-yu pin pó-chhiòn kì ke sin-miang, pûn kì chhai liá thi-song hióng-su hen-fuk; Song-chú m̀-voi chiông kì piong-thet, m̀-voi pûn kì lo̍k chhai tui-thi̍t sú-chûng.
[3] Kì pot-phiang ke sṳ̀, Song-chú oi yî-chhṳ kì, pûn kì fî-fu̍k khien-không, lòi lì-khôi phiang-chhòng.
[4] Ngài sṳt kóng: “Song-chú â, khiù Ngì lìn-mén ngài; yî-chhṳ ngài, yîn-vi ngài sṳt tet-chhui Ngì.”
[5] Ngài ke-têu tui-thi̍t fái-sîm ngi-lun ngài kóng: “Kì kí-sṳ̀ voi sí, pûn-ngìn m̀ ki-tet nè?”
[6] Kì-têu lòi-khon ngài, chhiu kóng ká-fa; sîm-nui sióng-oi chhìm ngài ke pá-piang; yèn-heu chhut-hi tak só-chhai fí-pong.
[7] Yen-hen ngài ke pí-chhṳ́ chi̍t-chi̍t chu̍t-chu̍t; kì-têu thù-mèu kúi-kie oi ham-hoi ngài.
[8] Kì-têu kóng: “Kì chho̍k-tó chhie̍t-chṳn; yit-thin mò khó-nèn hong-chhòng lé!”
[9] Lièn ngài só sin-kho, chui tî-kí ke phèn-yû, sṳ̍t-ko ngài ke fan ke, ya yung kiok thet ngài.
[10] Song-chú â, khiù Ngì lìn-mén ngài; pûn ngài yúng-khien hí-lòi, hó po-fu̍k kì-têu!
[11] Ngài ke tui-thi̍t mò yàng-ko ngài, só-yî ngài chhiu tî Ngì siak ngài.
[12] Yîn-vi ngài sùn-chṳn, Ngì chhiu fù-chhṳ̀ ngài, pûn ngài yún-yén khî chhai Ngì mien-chhièn.
[13] Ngien Song-chú — Yî-set-lie̍t ke Song-ti su chhṳ̂n-siung, tui kú-chó chhṳ̍t-to yún-yén! Â-mén! Â-mén!