[1] Song-chú â, khiù Ngì thâng ngài ke khì-tó; khiù Ngì thâng ngài khiù-ham ke sâng!
[2] Ngài ham chhai fam-nan chûng ke sṳ̀-chiet, khiù Ngì m̀-hó êm-tén mien m̀-tap ngài! Khiù Ngì chet-ngí lòi-thâng ngài ke khì-tó; ngài khiù Ngì ke sṳ̀-chiet, kiak-kiak en ngài!
[3] Ngài ke ngièn-ngit chhiong yên án-ngiòng sêu-sṳt; ngài ke kut-thèu chhiong chhai lù-chûng sêu-tén ke fó-than.
[4] Ngài ke sîm su-sông, chhiong chhó châu-thet; ngài sṳm-chṳ lièn sṳ̍t-fan ya m̀ ki-tet.
[5] Ngài théu thai-hi kín-chhên, kûi-sṳ̂n chṳ́-yû phì-pâu-kut.
[6] Ngài chhiong khóng-yâ ke tiâu-é, chhiong yâ-thi ke meu-thèu-tiâu.
[7] Ngài yit-chhṳ̍t soi m̀ lo̍k-kau; ngài chhiong vuk-táng kû-tân ke tiâu-é.
[8] Ngài ke sù-thi̍t chhiùng-chó to-am yu̍k-ma ngài; met-sa ngài ke ngìn chṳ́-tén ngài lòi chu-chú.
[9] Yîn-vi Ngì ke fat-khién lâu fun-nu, ngài sṳ̍t fó-fôi, chhiong sṳ̍t-fan yit-yong, yung muk-chṳp chhâm-tén yím-liau lòi lîm. Ngì chiông ngài khià hí-lòi yu phiâng-thet.
[11] Ngài ke ngièn-ngit chhiong lìm-am ke sṳ̂n-yáng, ya chhiong chhó chón-vòng châu-thet.
[12] Chúng-he, Song-chú â, Ngì yún-yén chóng-khièn; Ngì ke miàng pûn-ngìn ki-ngiam chhṳ̍t-to van-thoi.
[13] Ngì yit-thin voi hong-hí-lòi lìn-mén Siak-ôn, yîn-vi Ngì lìn-mén kì ke sṳ̀-chiet to lé, Ngì só-thin ke sṳ̀-kiên yí-kîn sṳ̀n-su̍k lé.
[14] Ke-têu sa̍k-thèu he Ngì ke phu̍k-ngìn só fôn-hí ke; lièn sàng-chûng ke nài ya he kì-têu só thung-siak ke.
[15] Thiên-ha van-koet thin-chho̍k voi kin-vi Song-chú ke miàng; thi-song van-vòng voi yîn-vi Kì ke yùng-kông chho̍k-kiâng.
[16] Song-chú chhùng-kien Siak-ôn ke sṳ̀-chiet, Kì ke yùng-kông voi hién-mìn chhut-lòi.
[17] Kì oi chhùi-thâng khiùng-khú-ngìn ke khiù-ham; Kì m̀-voi méu-sṳ kì-têu ke khì-tó.
[18] Oi vi heu-thoi chiông Song-chú ke chok-vì ki-liu̍k hâ-lòi, pûn ke-têu hàn-màng chhut-se ke ngìn hiáu-tet siung-chan Kì.
[19] Song-chú tui chṳ-kô ke sṳn-só khon hâ-lòi; Kì tui thiên-táng kôn-chhat ngìn-kiên ke yit-chhiet.
[20] Kì thâng ke-têu fam-ngìn ke chhên-sâng; Kì théu-piong pûn-ngìn phan sí-hìn ke.
[21] Án-ngiòng, van-mìn chhi-si̍p khiung-ha, van-koet kin-pai Song-chú ke sṳ̀, ngìn voi chhai Siak-ôn chhòn-yòng Song-chú ke miàng; kì-têu voi chhai Yâ-lu-sat-lâng siung-chan Kì.
[23] Song-chú suk-tón ngài ke ngièn-ngit, sṳ́ ngài vi-ló siên-sôi.
[24] Ngài kóng: “Ngài ke Song-ti â, m̀-hó sṳ́ ngài chûng-ngièn ko-sṳ̂n.” Song-chú â, Ngì van-sṳ yún-chhùn!
[25] Ngì chhai song-kú thin thai-thi ke kîn-kî; chû-thiên ya he Ngì chhîn-sú chhóng-chho ke.
[26] Thiên-thi voi sêu-me̍t, chúng-he Ngì yún-yén chhòng-chhùn; kì-têu voi chhiong sâm-fu lan-thet án-ngiòng sêu-sṳt. Ngì oi kói-pien thiên-thi, chhiong von-sâm yit-yong; kì-têu chhiu voi sêu-sṳt.
[27] Chúng-he, Ngì yún-yén m̀-voi kói-pien; Ngì ke su-ngièn vù-khiùng vù-chhin.
[28] Ngì liá-têu phu̍k-ngìn ke chṳ́-sûn voi ôn-kî lo̍k-ngia̍p; kì-têu ke heu-thoi voi kiên-li̍p chhai Ngì mien-chhièn.