[1] Song-ti â, khiù Ngì pó-fu ngài, yîn-vi ngài yí-kho Ngì.
[2] Ngài tui Song-chú kóng: “Ngì he ngài ke Chú; Ngì he ngài yit-chhiet fuk-hi ke ngièn-thèu.”
[3] Song-chú chûng-sîm ke chṳ́-mìn he ngióng-pân ke kô-kui â! Thùng kì-têu khiung-ha he ngài chui fôn-hí ke sṳ.
[4] Fu̍k-sṳ phe̍t ke sṳ̀n-mìn ke ngìn, fán-chón ngiâ-tó vù-han ke châi-fo; ngài yit-thin mò-oi chhâm-kâ kì-têu ke hien-chi, yit-thin m̀ pai kì-têu ke sṳ̀n-mìn.
[5] Song-chú â, Ngì he ngài ke sán-ngia̍p, ngài ke fuk-pî; ngài ke miang-yun chhai Ngì ke sú-chûng.
[6] Ngì yung sok-è liòng-pûn ngài ke thièn chhiòn-phu he hó-thièn; ngài he ngióng-pân kak-yi Ngì só-su ke sán-ngia̍p!
[7] Ngài siung-chan Song-chú, yîn-vi Kì chṳ́-thô ngài, am-pû-sṳ̀, ngài ke liòng-sîm ya thì-siáng ngài.
[8] Ngài sòng-sòng yû Song-chú chhai ngài mien-chhièn; yîn-vi Kì chhai ngài ke sùn-thèu, ngài chhiu m̀-voi yèu-thung.
[9] Só-yî, ngài ke sîm fôn-hí, ngài ke lìn khoai-lo̍k; ngài ke sṳ̂n-thí ôn-yèn chhṳ-chhai;
[10] yîn-vi Ngì m̀-voi pûn ngài lo̍k yîm-kiên, ya m̀-voi pûn Ngì chûng-sîm ke phu̍k-ngìn hâ yîm-fú.
[11] Ngì voi chṳ́-sṳ ngài sâng-miang ke lu. Chhai Ngì mien-chhièn ngài yû mân-chiuk ke hí-lo̍k; chhai Ngì yu-sú ngài yû yún-yén ke hen-fuk.