[1] Sṳ-kie lâu khì-chûng ke yit-chhiet, chhiòn-phu he Song-chú ke; thai-thi lâu thi-song ke van-vu̍t, ya he Kì ke.
[2] Kì chiông thai-thi kien-li̍p chhai chhṳ̂m-hói ke táng-kô, chiông thi ke kîn-kî ôn chhai chhṳ̂m-súi ke tî-poi.
[3] Má-ngìn cho-tet sông-hi Song-chú ke sân? Má-ngìn cho-tet chin-ngi̍p Kì ke sṳn-thien?
[4] Chhiu-he sûng-sú chhîn-kiet, sîm-kôn chhiang-li, mò pai ngiéu-siong, fat-sṳ mò cho-ká ke ngìn.
[5] Liá-chúng ngìn, Song-chú oi su-fuk pûn kì; chṳ́n-kiu kì ke Song-ti oi phan kì mò-chhui.
[6] Liá-têu ngìn oi lòi chhèu-kien Song-chú, lòi-to Ngâ-kok ke Song-ti mien-chhièn.
[7] Sàng-mùn â, tá khôi-lòi! Yún-kiú ke mùn â, tá khôi-lòi! Yùng-kông ke kiûn-vòng oi ngi̍p-lòi!
[8] Liá yùng-kông ke kiûn-vòng he má-ngìn? Kì chhiu-he kiên-khiòng yû thai nèn-li̍t ke Song-chú, chhiu-he chhai chan-chhòng tak-pái tá-yàng ke Song-chú!
[9] Sàng-mùn â, tá khôi-lòi! Yún-kiú ke mùn â, tá khôi-lòi! Yùng-kông ke kiûn-vòng oi ngi̍p-lòi!
[10] Liá yùng-kông ke kiûn-vòng he má-ngìn? Song-chú — Van-kiûn ke Ngièn-soi, Kì chhiu-he yùng-kông ke kiûn-vòng!