[1] Ko-fam tet-tó ngièn-liong, chhui-ok tet-tó sa-miên ke ngìn, kì he ngióng-pân yû fuk-hi â!
[2] Sîm-chûng mò kúi-cha, mò pûn Song-chú thin-chhui ke, liá-ngìn sṳ̍t-chhai yû fuk-hi ô!
[3] Ngài ke choi ha̍p-tén, m̀-hén ngin-chhui ke sṳ̀-chiet, yîn-vi kûi-ngit ôi-sông, chṳ-to kut-thèu khû-châu.
[4] Song-chú â, Ngì ngit-ya chit-fa̍t ngài; ngài ke hi-li̍t sêu-san, chhiong súi-hi chhai thai ngie̍t-thiên châu-thet yit-yong.
[5] Yèn-heu, ngài tui Ngì sṳ̀n-ngin ngài ke chhui, mò chai chiông chhṳ-kâ ke ko-sṳt khong-tén. Ngài kiet-thin: “Ngài oi tui Song-chú sṳ̀n-ngin ngài ke ko-fam”; Ngì chhiu sa-miên ngài só-yû ke chhui.
[6] Só-yî, yit-chhiet kin-khièn ke ngìn, yin-tông chhai chhìm tet-tó Ngì ke sṳ̀ tui Ngì khì-khiù; châi-nan chhiong cho thai-súi ke sṳ̀-chiet, kì chang m̀-voi chim-tó.
[7] Ngì he ngài ke phit-nan-só; Ngì yit-thin voi kiu ngài thot-lì châi-nan. Ngì yung tet-kiu fôn-hí ke kô-sâng si-mien vì-tén ngài.
[8] Song-chú kóng: “Ngài oi kâu ngì, chṳ́-sṳ ngì yin-tông hàng ke lu; Ngài oi khien-va ngì, khon-ku ngì.
[9] Mo̍k ngong-to chhiong mâ ya-he chhiong lò-è án-ngiòng, oi yung mâ-hàm-thiet lâu choi-lûng-é yok-suk kì, chang hén sun-fu̍k.”
[10] Sià-ok ngìn yit-thin voi tù-tó chúng-chúng ke thung-khú; chúng-he, sin-kho Song-chú ke ngìn yû put-pien ke chhṳ̀-oi si-mien vì-tén kì.
[11] Ngi-ngìn â, oi yîn-vi Song-chú só-cho ke lòi fôn-hí khoai-lo̍k; sîm-kôn chṳn-chhṳ̍t ke ngìn â, ngì-têu chhiòn-phu oi thai-sâng fôn-fû.