[1] Song-ti he ngài-têu ke phit-nan-só lâu li̍t-liong, he ngài-têu fam-nan chûng khi̍p-sṳ̀ ke pông-chhu.
[2] Só-yî, sûi-yèn yû thai thi-thûng, kô-sân pên-thet, lo̍k-to hói-chûng, sûi-yèn hói-long thâu-thiên, khiùn-sân yèu-thung, ngài-têu ya m̀-kiâng.
[4] Yû yit-thiàu hò-pa chiông hí-lo̍k tai-to Song-ti ke sàng, to Chṳ-kô-chá he̍t ke sṳn-só.
[5] Song-ti chhai sàng-chûng, sàng chhiu m̀-voi vang-thet; thiên yit-kông, Song-ti ke yên-chhu chhiu voi to.
[6] Van-pâng sâu-thung, lie̍t-koet vang-thet; Song-ti hióng-lùi-kûng, thai-thi chhiu yùng-thet.
[7] Song-chú — Van-kiûn ke Ngièn-soi lâu ngài-têu thùng-chhai; Ngâ-kok ke Song-ti he ngài-têu ke sàng-pó!
[8] Lòi â, lòi khon Song-chú ke chok-vì; khon Kì chhai thi-song só-cho ke khì-sṳ.
[9] Kì phìn-thin sṳ-kie ke chan-lon; Kì áu-thôn kiûng-chien, chiông chhiông chám-thôn, fó-sêu tún-phài.
[10] Kì kóng: “Tiâm-tiâm! Oi tî Ngài he Song-ti! Chhai van-koet chûng Ngài he chṳ-chûn ke, chhai chhiòn-thi song Ngài he chṳ-kô ke.”
[11] Song-chú — Van-kiûn ke Ngièn-soi lâu ngài-têu thùng-chhai; Ngâ-kok ke Song-ti he ngài-têu ke sàng-pó!