[1] Song-chú chóng-khièn! Thai-thi â, oi fôn-hí hí-lòi! Só-yû ke hói-tó â, oi fôn-hí khoai-lo̍k!
[2] Yùn-tôi lâu vû-am chhai Kì chû-vì; chṳn-ngi lâu kûng-tong he Kì koet-thu ke kî-chhú.
[3] Yû fó hàng chhai Kì ke thèu-chhièn, sêu-me̍t Kì chû-vì ke sù-thi̍t.
[4] Kì ke ngiap-lang cheu-liong sṳ-kie; thai-thi khon-tó kín-chûn kín-chhat.
[5] Khiùn-sân chhai Song-chú mien-chhièn, chhai chhiòn-thi ke Chú mien-chhièn, chhiu-chhiong la̍p án-ngiòng yùng-thet.
[6] Chû-thiên siên-yòng Kì ke kûng-ngi; van-mìn khon-tó Kì ke yùng-kông.
[7] Yit-chhiet kin-pai ngiéu-siong ke ngìn voi kien-seu; kho ká-sṳ̀n lòi khoâ-khiéu ke ngìn voi lau-khui; van-sṳ̀n lûng-chúng oi phu̍k chhai Song-chú mien-chhièn.
[8] Song-chú â, yîn-vi Ngì ke phan-ton kûng-chṳn, Siak-ôn ke ngìn-mìn thâng-tó chhiu thai fôn-hí; lièn Yù-thai ke-têu sàng-sṳ ya chhin khoai-lo̍k.
[9] Song-chú â, Ngì he chṳ-kô ke, Ngì thúng-chhṳ thiên-ha; Ngì he chṳ-chûn vù-tui ke, Ngì chhêu-ko van-sṳ̀n.
[10] Song-chú thung-siak ke-têu nâu sià-ok ke ngìn; Kì pó-fu Kì chûng-sîm chṳ́-mìn ke sâng-miang, chṳ́n-kiu kì-têu thot-lì fái-ngìn ke sṳ-li̍t.
[11] Ngi-ngìn voi tet-tó kông-mìn cheu-liong; sîm-kôn chṳn-chhṳ̍t ke voi thai fôn-hí.
[12] Ngi-ngìn â, ngì-têu oi yîn-vi Song-chú fôn-hí! Ngì-têu oi kám-chhia Kì, siung-chan Kì ke sṳn-miàng!