[1] Thúng-chhṳ-chá â, ngì-têu chṳn-kîn kóng chṳn-ngi he-mò? Ngì-têu chṳn-kîn cheu kûng-tong sṳ́m-phan ngìn-mìn he-mò?
[2] M̀-he! Ngì-têu yit-sîm sióng-oi chok-ok; ngì-têu chhai sṳ-kiên hàng khiòng-phau ke sṳ.
[3] Chok-ok ke ngìn yit chhut-se chhiu mì-sṳt fông-hiong; kóng fâ-liâu ke lì-khôi mû-thôi chhiu hàng chhâ-lu.
[4] Kì-têu fî-sòng ok-thu̍k, chhiong thu̍k-sà yit-yong; set-tén ngí-kûng, chhiong ngí-lûng ke fan-sṳ̀-chhung,
[5] thâng m̀-tó káu-sà-ngìn phùn tha̍k-é ke sâng, ya thâng m̀-tó mô-su̍t-sṳ̂ ngiam-chu ke sâng.
[6] Song-ti â, khiù Ngì khau-thôn kì-têu choi-tú ke thu̍k-ngà! Song-chú â, khiù Ngì pâng-thet ke-têu sṳ̂-é ke thai-ngà!
[7] Ngien kì-têu chhiong hò-pa-súi châu-thet, chhiong se-lu ke chhó pûn-ngìn chien-tha̍p.
[8] Ngien kì-têu chhiong yè-lò án-ngiòng mièn-thet, chhiong lau-thet ke thôi mò kien-tó ngit-thèu.
[9] Ngì-têu yung net-su lòi sêu-fó, vo̍k-é hàn-màng sêu, thai-fûng chiông chhiâng-chhiâng màng châu ke lâu sêu-tén ke khiung-ha chhôi-chéu; chhiong án-ngiòng, ngien kì-têu kiak-kiak su sêu-me̍t.
[10] Ngi-ngìn khon-tó chhui-ngìn su po-yin chhiu fôn-hí na-thiên; kì-têu oi chhai chok-ok ke ngìn hiet-hò chûng hàng to-chón-lòi.
[11] Án-ngiòng, ngìn oi kóng: “Ngi-ngìn chṳn-kîn yû san-po; ton-chṳ̂n yû yit-vi Song-ti chhai sṳ́m-phan sṳ-kie!”