[1] Song-ti â, ngài he ngióng-pân ke hot-mu Ngì, chhiu-chhiong lu̍k-é choi-châu sióng chhîn-liòng ke hâi-súi yit-yong.
[2] Ngài chhiet-chhiet sióng-ngiam Song-ti, chhiu-he yún-sên ke Song-ti; ngài kí-sṳ̀ chang cho-tet to Song-ti mien-chhièn chhèu-pai Kì nè?
[3] Ngài ngit-ya sông-sîm, yung muk-chṳp chún-fan sṳ̍t; yû-ngìn yit-chhṳ̍t mun ngài, kóng: “Ngì ke Song-ti chhai nai-vi?”
[4] Sióng-tó thèu-pái ke chhìn-hìn, ngài yû kóng m̀-chhut ke sông-sîm: Ke-sṳ̀, ngài thùng thai-kâ khiung-ha hi Song-ti ke sṳn-thien, tai-liâng ke-têu chhèu-sṳn ke ngìn, kûi-lu fôn-hí chhong-kô kám-chhia Song-ti.
[5] Ngài ke sîm â, cho-má-ke án sông-sîm? Cho-má-ke chhên mò-thìn? Oi ngióng-mong Song-ti, chai yit-pái siung-chan Kì; Kì he ngài ke kiu-chú, ngài ke Song-ti.
[6] Liù-mòng to liá-vi, ngài ke sîm pho-sui, só-yî ngài sióng-tó Song-ti. Kì sṳ́ fàn-chhau chhiong chhṳ̂m-yên chûng ke thai-súi sâng; yù-sèu chhiong pô-long voi chim-sí ngài. Ngài ke sîm-chhìn chhiong tui Het-mùn-sân lâu Mí-sat-liâng chhûng-to Yok-tan-hò ke phau-pu yit-yong.
[8] Ngien Song-chú ngit-sṳ̀-thèu pûn ngài hióng-su Kì put-pien ke chhṳ̀-oi, am-pû-thèu pûn ngài chhong-kô khì-khiù su ngài sâng-miang ke Song-ti.
[9] Ngài lâu Song-ti, ngài ke phàn-sa̍k kóng: “Ngì cho-má-ke m̀ ki-tet ngài? Ngài cho-má-ke tù-tó sù-thi̍t ke pet-hoi, sṳ̍t án-tô khú?”
[10] Kì-têu vú-yu̍k ngài chhiong tá-sui ngài ke kut-thèu; kì-têu mun mò-thìn: “Ngì ke Song-ti chhai nai-vi?”
[11] Ngài ke sîm â, cho-má-ke án sông-sîm? Cho-má-ke chhên mò-thìn? Oi ngióng-mong Song-ti, chai yit-pái siung-chan Kì; Kì he ngài ke kiu-chú, ngài ke Song-ti.