[1] Oi chan-mî Song-chú! Chhai chṳn-chhṳ̍t ngìn ke chhi-fi lâu ngi-fi chûng, ngài oi chhiòn-sîm chhiòn-yi lòi kám-chhia Song-chú.
[2] Song-chú ke chok-vì sṳ̍t-chhai ví-thai; fàm hí-oi ke chhiu me̍t-sióng ngiên-kiu.
[3] Kì ke chok-vì mân-yû yùng-kông, vî-ngiàm; Kì ke kûng-ngi chhòng-chhùn, chhṳ̍t-to yún-yén.
[4] Song-chú hàng khì-sṳ, sṳ́ ngìn ki-ngiam; Kì mân-yû ên-fi, yu yû lìn-mén.
[5] Kì su sṳ̍t-vu̍t pûn kin-vi Kì ke ngìn; Kì yún-yén ki-tén Kì só-li̍p ke yok.
[6] Kì tui Kì ke chṳ́-mìn hién-sṳ thai-nèn, chiông ngoi-pâng ke thú-thi su-pûn kì-têu.
[7] Kì ke sú só-cho ke chhiòn-phu sin-sṳ̍t kûng-chṳn; Kì yit-chhiet ke kau-hiun khok-sṳ̍t khó-kho.
[8] Kì-têu yún-yén yû-háu, he cheu sin-sṳ̍t lâu kûng-ngi sat-li̍p ke.
[9] Kì vi Kì ke chṳ́-mìn sṳ̂-hàng kiu-su̍k; Kì thùng kì-têu li̍p yún-yén ke khie-yok. Kì ke miàng he sṳ̀n-sṳn tet-ngìn-vi ke!
[10] Kin-vi Song-chú he chṳ-fi ke khôi-thèu; chûn-hàng Kì kie-min ke chhiu yû chhûng-mìn. Oi chan-mî Song-chú, chhṳ̍t-to yún-yén!