[1] Phû-thiên chhòn-yòng Song-ti ke yùng-kông; kiûng-chhông hién-mìn Kì sú só-cho ke.
[2] Ngit-ngit kóng-hí, ya-ya chhòn-yòng;
[3] m̀-sṳ́ ngièn-ngî, m̀-sṳ́ yîm-hióng.
[4] Kì-têu ke sin-sit chhòn-to ngìn-kiên; kì-têu ke fa-ngî chhòn-phien thiên-ha. Song-ti chhai thiên-táng vi-tó ngit-thèu tap chong-phùng;
[5] ngit-thèu chhiong sîn-lòng fôn-fôn hí-hí chhut thung-fòng, yu he chhiong yúng-sṳ khoai-khoai lo̍k-lo̍k chéu-siông-kiuk.
[6] Kì tui thiên ke liá-phién chhut-lòi, tîn-to thiên ke ke-phién hi; van-vu̍t chhiòn-phu tet-tó kì ke ngie̍t-hi.
[7] Song-chú ke kau-sṳ vàn-chhiòn, voi sṳ́ ngìn ke sâng-miang von-sîn; Song-chú ke fap-lin sin-sṳ̍t, voi pûn tân-sùn-ngìn tet-tó chṳ-fi;
[8] Song-chú ke kau-hiun kûng-chṳn, voi sṳ́ ngìn ke sîm yû khoai-lo̍k; Song-chú ke kie-min chhîn-mìn, voi pûn ngìn ke muk-chû kông-mìn.
[9] Kin-vi Song-chú he sùn-kiet ke sṳ, yún-yén chhùn-liù; Song-chú ke fap-chet chṳn-chhṳ̍t, lûng-chúng kûng-tong.
[10] Liá-têu pí kîm-é kha pó-kui, yàng-ko song-tén ke kîm-é; pí phûng-thòng kha-thiàm, yàng-ko chui sùn ke phûng-thòng.
[11] Liá-têu pûn Ngì ke phu̍k-ngìn mìn-pha̍k; séu-sîm chûn-sú, hó-chhu vù-han.
[12] Chúng-he má-ngìn voi khon-tó chhṳ-kâ ke m̀-chho̍k â? Khiù Ngì sa-miên ngài vù-yi-chûng só-fam ke ko-sṳt.
[13] Khiù Ngì sṳ́ Ngì ke phu̍k-ngìn mo̍k ku-yi fam-chhui, mo̍k pûn chhui-ok khúng-chṳ ngài. Án-ngiòng, ngài chang voi cho yit-ke mò-hó hiàm ke ngìn, miên-tet fam phoi-ngia̍k ke thai-chhui.
[14] Song-chú — ngài ke phàn-sa̍k, ngài ke kiu-su̍k-chá â, ngien ngài ke ngièn-hàng sṳ̂-sióng tet-tó Ngì ke kam-na̍p.