[1] Song-ti â, Ngì he ngài ke Song-ti; ngài pet-chhiet chhìm-khiù Ngì! Chhiong thiên-hôn, châu-châu, mò-súi ke fông-thi, ngài ke sîm-sṳ̀n sióng-ngiam Ngì, hot-mu Ngì.
[2] Ngì sṳt pûn ngài chhai sṳn-só chhèu-kien Ngì, pûn ngài khon Ngì ke thai-nèn lâu yùng-kông.
[3] Ngì put-pien ke chhṳ̀-oi pí sâng-miang kha-hó; só-yî ngài ke choi oi chhong-kô siung-chan Ngì.
[4] Ngài yit-sên-ngìn lûng-chúng oi kám-chhia Ngì; ngài oi khià-hí sûng-sú tui Ngì khì-tó.
[5] Ngài ke sîm-sṳ̀n voi chhin mân-chiuk, chhiong sṳ̍t phông-phai; ngài ke choi oi tui Ngì ngìm-chhong fôn-lo̍k siung-chan ke sṳ̂-kô.
[6] Ngài chhai mìn-chhòng hong sṳ̂-ngiam Ngì; ngài kûi am-pû kín sióng-ngiam Ngì.
[7] Yîn-vi Ngì sṳ̀-sòng pông-chhu ngài, ngài chhai Ngì ke yi̍t-kap hâ fôn-hí chhong-kô.
[8] Ngài ke sîm kiâm-kiâm thèn-tén Ngì; Ngì ke yu-sú ya fù-chhṳ̀ ngài.
[9] Ke-têu chhìm kî-fi sat-hoi ngài ke, kì-têu lûng-chúng voi lo̍k yîm-kiên hi.
[10] Kì-têu voi sí chhai tô-kiam hâ, sṳ̂n-sṳ̂ pûn yâ-kiéu khie chhiang-chhiang.
[11] Chúng-he, vòng voi yîn-vi Song-ti fôn-hí khoai-lo̍k; tui Song-ti hí-ngien ke lûng-chúng voi chan-mî Kì; ke-sṳ̀, kóng fâ-liâu ke choi yit-thin voi set-he̍t.