[1] Song-chú â, ngài ke sù-thi̍t sṳ̍t-chhai chṳ̂n-tô! Yû chhin-tô ngìn hong-hí-lòi kûng-kit ngài!
[2] Án-tô ngìn ngi-lun ngài, kóng: “Song-ti m̀-voi chṳ́n-kiu kì!”
[3] Chúng-he Song-chú â, Ngì chhiu-he pó-fu ngài ke tún-phài; Ngì pûn ngài tet-sṳn, yu pûn ngài ke thèu-nà khià hí-lòi.
[4] Ngài chhut-sâng khiù-ham Song-chú, Kì chhiu tui Kì ke sṳn-sân en ngài.
[5] Ngài lài-hâ-lòi, chhiu soi-thet; ngài chai siáng hí-lòi, yîn-vi Song-chú yit-chhṳ̍t pó-fu ngài.
[6] Chhiu-son yû kí-hâ van ke sù-thi̍t vì-tén lòi kûng-kit ngài, ngài me m̀-kiâng.
[7] Song-chú â, khiù Ngì hong-hí-lòi! Ngài ke Song-ti â, lòi-kiu ngài! Ngì tá ngài yit-chhiet sù-thi̍t ke choi-kok, khau-thet só-yû sià-ok ngìn ke ngà-chhṳ́.
[8] Chṳ́n-kiu he tui Song-chú ke-vi lòi ke; ngien Ngì su-fuk pûn Ngì ke chṳ́-mìn!