[1] Ngài oi sòng-sòng siung-chan Song-chú; ngài ke choi oi yit-chhṳ̍t chan-mî Kì.
[2] Ngài ke sîm oi yîn-vi Song-chú lòi khoâ-khiéu; ngien su pet-hoi ke ngìn thâng-liáu chhiu fôn-hí.
[3] Lòi thùng ngài khiung-ha chhòn-yòng Song-chú ke ví-thai; ngài-têu khiung-ha lòi siung-chan Kì chṳ-kô ke miàng.
[4] Ngài chhìm-khiù Song-chú, Kì chhiu en ngài, kiu ngài thot-lì yit-chhiet ke chho̍k-kiâng.
[5] Ngióng-mong Kì ke ngìn chhiu yû kông-mìn; kì-têu m̀-voi chai mân-mien kien-seu.
[6] Liá khun-khú-ngìn khiù-ham, Song-chú chhiu chhùi-thâng, kiu kì thot-lì yit-chhiet ke fam-nan.
[7] Song-chú ke sṳ́-chá pó-yu kin-vi Kì ke ngìn, chhai kì-têu chû-vì chat-yàng lòi chṳ́n-kiu kì-têu.
[8] Song-chú ke mî-san ngì-têu oi sòng khon-é! Yí-kho Kì ke ngìn sṳ̍t-chhai chṳ̂n-yû fuk-hi!
[9] Song-chú ke sṳn-mìn â, oi kin-vi Song-chú! Kin-vi Kì ke ngìn mò-khiam pan-hong.
[10] Chhiu-he sṳ̂-é ya yû khiam-khiet lâu tú-kî ke sṳ̀-chiet, chúng-he chhìm-khiù Song-chú ke ngìn má-ke hó-chhu tû m̀-voi khiam.
[11] Heu-sâng-ngìn â, ngì-têu oi lòi thâng ngài kóng! Ngài oi kâu ngì-têu ngióng-pân kin-vi Song-chú.
[12] Yû-ngìn oi-siak sâng-miang mò? Chûi-khiù chhòng-su fuk-lo̍k mò?
[13] Mo̍k pûn ngì ke sa̍t-mà chhut ok-ngièn; mo̍k pûn ngì ke choi-sùn kóng kúi-cha.
[14] Oi hi-chhie̍t sià-ok, cho hó-sṳ; oi chûi-khiù fò-phìn, sat-mâng hàng.
[15] Song-chú ke muk-chû khon-ku ngi-ngìn; Kì ke ngí-kûng thâng kì-têu khiù-ham.
[16] Song-chú tui cho fái-sṳ ke ngìn pien-mien, oi tui sṳ-kiên chhù-thet kì-têu ke miàng.
[17] Ngi-ngìn khiù-ham Song-chú, Kì chhiu thâng, kiu kì-têu thot-lì yit-chhiet fam-nan.
[18] Song-chú chhîn-khiun fôi-sîm sṳt-chṳ ke; Kì chṳ́n-kiu sîm-lìn su-khú ke ngìn.
[19] Ngi-ngìn yû chhin-tô khú-nan, chúng-he Song-chú oi kiu kì thot-lì liá yit-chhiet.
[20] Song-chú oi pó-chhiòn kì ke kut-thèu, lièn yit-kî ya m̀-voi pûn-ngìn tá-thôn.
[21] Chhui-ok voi hoi-sí sià-ok ngìn; hen ngi-ngìn ke oi su chit-fa̍t.
[22] Song-chú oi kiu-su̍k Kì phu̍k-ngìn ke sin-miang; yí-kho Kì ke ngìn chhiòn-phu m̀-voi su chit-fa̍t.