<भजन-संहिता 70

[1] हे परमेसर, जल्दी करके मोला बचा ले; हे यहोवा, मोर मदद करे बर जल्दी आ।

[2] जऊन मन मोर परान लेय चाहथें ओमन लज्जित होवंय अऊ घबरावंय; ओ जम्मो, जऊन मन मोर बिनास के ईछा रखथें ओमन कलंकित होके पाछू हटंय।

[3] जऊन मन मोला ये कहिथें, “अहा! अहा!” ओमन लज्जा के मारे वापिस जावंय।

[4] पर ओ जम्मो, जऊन मन तोर खोज म रहिथें ओमन तोर कारन आनंद मनावंय अऊ खुस होवंय; जऊन मन तोर उद्धार के मदद चाहथें, ओमन हमेसा कहंय, “यहोवा महान ए!”

[5] पर जहां तक मोर बात ए, मेंह गरीब अऊ जरूरतमंद अंव; हे परमेसर, मोर करा जल्दी आ। तेंह मोर मददगार अऊ मोर छुड़ानेवाला अस; हे यहोवा, देरी झन कर।