[1] O don na muso wolonwula na i nɔrɔ cɛ kelen na k'a fɔ a ye ko: «An na an yɛrɛw balo ka an yɛrɛw fɛɛrɛbɔ, nka i ka sɔn an ka wele i tɔgɔ la walisa ka mafiɲɛyali bɔ an kun na.»
[2] O don na Matigi ka Masiya na masiri ni nɔɔrɔ ni cɛɲɛ ye Israɛl tɔ tolenw ye. Dugukolo sɛnɛ fɛnw na kɛ u ka yɛrɛbonya sababu ni u masiri ye.
[3] Mɔgɔ minw ɲɛnama tora Sion, ɔwɔ Jerusalɛm kɔnɔ mɔgɔ minw ɲɛnatɔmɔna Ala fɛ ɲɛnamaya kama, olu na wele ko «senumaw».
[4] Ni Matigi ye Jerusalɛmkaw ka nɔgɔlenya kow ko ka bɔ u la ka Jerusalɛm saniya a ka mɔgɔ fagali joli bɔnnenw kosɔn ni kiri ni halakili fiɲɛ ye tuma min na,
[5] o tuma la Matigi na sankaba ni sisi dila Sion kulu yɔrɔ bɛɛ ni a ka jama kun na tile fɛ. Su fɛ a na tasuma manaba yeelen bɔtɔ biri a kun na, katuguni kunna birilan na biri o nɔɔrɔ bɛɛ kun na.
[6] Gwa na kɛ yen ka suma kɛ tile fɛ funteni kosɔn ka kɛ dogo yɔrɔ ni kunna biri fɛn ye fiɲɛba ni sanji tuma la.