[1] Kiraya kuma Moab ko la. Ar-Moab cira ka halaki su kelen na. Kir-Moab cira ka halaki su kelen na.
[2] U donna u ka bato fɛnw batoso kɔnɔ ani Dibon yɔrɔ kɔrɔtalenw na ka kasi yen. Moab bɔnsɔn bɛɛ ye u kun di ka u bonbonsi tigɛ ka kasi Nebɔ ni Medeba duguw kosɔn.
[3] Cafu fini bɛ u bɛɛ kan na dugu bɔlɔnw na. Ka u to u ka sow san fɛ ani fɛrɛkɛnɛw la, mɔgɔw bɛɛ bɛ kasikan bɔ, mɔgɔw bɛɛ bɛ ɲɛji bɔ.
[4] Hesibɔn ni Eleale duguw mɔgɔw bɛ kulokan bɔ. U kasikan bɛ se fo Jahaz dugu la. O de kosɔn Moab bɔnsɔn ka kɛlɛkɛ cɛw bɛ yɛrɛyɛrɛ, u ja tigɛlen don.
[5] Ne dusukun tɔɔrɔlen don Moab ko la. A ka mɔgɔw bolitɔ bɛ se fo Zoar ka taa se fo Eglat-Selisaya, k'a masɔrɔ u kasitɔ bɛ yɛlɛn Luhit tintin kan. Ka u to Horonaim sira kan, u bɛ nwunankan bɔ halakili kow kosɔn.
[6] Nimrim kɔji jalen don, a burugu jara, bin nugulen banna, fɛn kɛnɛ si tɛ yɔrɔ si la.
[7] O de kosɔn, u ye bolo fɛn minw mara ani u ka balo maralen, u taara ni olu ye sole jirisunw kɔrɔ kɔ da la ka o kɔ tigɛ.
[8] Kulokan bɔra Moab dancɛw bɛɛ la, o kasikanba sera Eglaim fo ka taa se Beɛr-Elim.
[9] Dimon kɔji bɛɛ kɛra joli ye, ne na dɔ fara Dimon ka tɔɔrɔ kow kan. Waraba na Moab bɔnsɔn tɔ tolenw bɛɛ faga.