[1] Asiri masakɛ Sargon ye kɛlɛ kuntigi Tartan ci ka taa daga Asdɔd da la san min na ka o dugu minɛ,
[2] Matigi kumana a ka ciden Amoz denkɛ Esayi fɛ o waati la ko: «Cafu fini min bɛ i cɛ la, i ka taa o foni ka i ka sabara bɔ i sen na.» Esayi ye o kɛ, a farilankolon ni a sen sabarantan tun bɛ taama.
[3] O tuma la Matigi ko: «Ne ka baaraden Esayi farilankolon bɛ taama cogo min na, o na kɛ taamashyɛn ni kiraya ko ye san saba kɔnɔ Misirakaw ni Etiopikaw kama.
[4] O cogo la Asiri masakɛ na taa ni Misira ni Etiopi mɔgɔ minɛlenw ye. A na kamalenw ni cɛkɔrɔbaw bɛɛ farilankolon ni u sennakolon julankolon minɛ ka taa. O na kɛ Misira maloya ko ye.
[5] «O tuma la Juda bɔnsɔn cɛw na siran, u hakili na ɲaami Etiopikaw ni Misirakaw kosɔn, olu minw tun ye u jigi da yɔrɔ ni u ka yɛrɛbonya sababu ye.
[6] O don na nin jamana kɔnɔ mɔgɔw fana n'a fɔ ko: ‹An jigi dalen tun bɛ mɔgɔ minw kan ka boli olu nɔ fɛ ka dɛmɛni ɲini u fɛ, walisa u ka an tila ka bɔ Asiri masakɛ bolo, olu filɛ. An bɛ se ka tila cogo di?›»