[1] O don na i n'a fɔ ko: «Ne bɛ barika da i ye, Matigi, k'a masɔrɔ i tun diminna ne kɔrɔ, nka i ka dimiya banna, i ye ne dusu saalo.
[2] Ɔwɔ, Ala ye ne Kisibaa ye, ne jigi dalen bɛ a kan, ne tɛna siran foyi ɲɛ. K'a masɔrɔ Matigi, Matigi yɛrɛ ye ne barika ni ne ka tanuli sababu ye. A kɛra ne Kisibaa ye.
[3] Aw ɲagalilen na ji bɔ kisili kɔlɔnw kɔnɔ.»
[4] O don na aw n'a fɔ ko: «A' ye Matigi tanu k'a tɔgɔ wele, k'a ka kɛwale kabakomaw welewele da siyaw cɛma. A' ye a tɔgɔ nɔɔrɔma bonya.
[5] A' ye dɔnkili da Matigi ye, sabu a ye kɛwale kabakomaw kɛ. Dugukolo kan mɔgɔw bɛɛ ka o dɔn.
[6] E min sigilen bɛ Sion, i ka pɛrɛnkan bɔ ka dɔnkili da ni ɲagali ye, k'a masɔrɔ Israɛl ka Senuma, min sigilen bɛ i cɛma, o ka bon.»