[1] ¡Tatitutakix machaq q'uchu q'uchupxam, muspharkañanak luratap layku! ¡Ch'aman amparapampiw atipji, qullan amparapampiw timasirinakar atipji!
[2] Tatituw atipjatap yatiyi, aski kankañap markanakar uñacht'ayi;
[3] Israel markapatakisti, khuyapayasiñapata, arsutap phuqhirïtapat amtasi. Taqpach uraqin jakirinakaw Diosasan atipjatap uñjapxi.
[4] Uraqpachan jakirinaka, Tatiturux kusisiñamp q'uchupxam; art'asipxam, jallallapxam, q'uchunak q'uchupxam.
[5] Tatitutakix q'uchupxam, arpampi chik q'uchuntapxam.
[6] Tatit Reyir kusisiñampi yupaychapxam, kunayman phust'añanakamp chik q'uchupxam.
[7] Lamar qutampi ukan utjirinakampix qhuthutipxpan, akapachasa, ukan jakirinakas uxtapxarakpan;
[8] jawiranakax amparanakap t'axllirasipxpan; qullunakax mayachasisin Tatitu nayraqatan
[9] kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!