<Salmos 129

[1] Wayna kankañaxatpach ukataq t'aqhisiyapxitu, jichhax Israel markax sispan,

[2] wayna kankañaxatpach ukataq t'aqhisiyapxitu, ukampis janiw atipjapkituti.

[3] Jikhanixarux jawq'käwiw chhuxriñchapxitu, jach'a sukanakjam jawq'käwix jist'japxitu,

[4] Tatitusti chiqapar uñjasir kankañapanxa, ñanqha lurir jaqinakan amparapat qhispiyitu.

[5] ¡Sión markar uñisirinakax, q'ala p'inqachjat jaltxapxpan!

[6] Uta patan alir qurjamäpxpan, janïr jik'inukkat wañsur qurjama.

[7] Trigo yawirin amparapan jan phuqt'ir qurjama, marqthapirin amparapar jan phuqt'ir qurjama;

[8] janiw khitis jupanakarux siskiti: “Tatituy askinak jumanakar churpan” sasaxa. Nanakasti Tatitun sutiparuw jumanakarux jach'añchapxsma.