<Salmos 130

[1] Tatay, jach'a t'aqhisiñ taypitpach art'asinsma:

[2] ¡Tatay, mayisitaxar ist'akimaya!, ¡achikt'asiñamp arnaqasitaxar jaysakimaya!

[3] Dios Tatay, jumatix taqpach juchanak amxäsiskakismaxa, ¿khitirak nayraqataman sayt'aspasti?

[4] Ukampis jumaw juchanakat pampachapxista, ukhamat jumar waqaychañataki.

[5] Taqpach ajayuxampiw Tatitur suyt'askta, taqpach chuymaxampiw arunakapar iyawsta.

[6] Nayax Tatituruw suyt'askta, qhanjtaniñap uñch'ukir jaqit juk'ampi. Kunjämtix marka uñjirinakax willjtaniñap uñch'ukixa,

[7] ukhamay Israel marka, Tatiturux suyt'am, khuyapayasiñasa, qhispiyasiñasa Tatitunak utji.

[8] ¡Jupaw Israel markarux taqi juchanakapat pampachani!