[1] Pisi chuyman jaqinakax siwa: “Janiw Diosax utjkiti” sasa. Taqiniw ñanqha lurir tukupxi; kunayman ñanqhanak lurapxi; ¡janiw khitis aski luririx utjkiti!
[2] Tatitux alaxpachatpach jaqinakarux uñtani, inach khitis amuyt'asirix utjaspa, inach khitis Diosar thaqtirix utjaspa.
[3] Jaqinakasti taqiniw jan wali thakhir saranukupxi; taqpachaniw ñanqha lurir tukupxi. ¡Janiw khitis aski luririx utjkiti! ¡Janiw maynis utjkiti!
[4] Ñanqha luririnakax jan amuyunïpxiwa, markaxarux t'ant'jam manq'antapxi, janiw Tatitun sutipsa art'asipkiti.
[5] Jupanakax axsarañat khathatipxani, Diosasti jupar jaysirinakampipunïskiwa.
[6] Jan yäqat jaqin amtäwinakapat larusipxi, ukampis Tatituw jupanakarux imaski.
[7] ¡Israel markan qhispiyasiñapax Jerusalén markatpach jutakispa! Tatitux t'aqhisiyat markapar kusisiykan ukapachaxa, Jacobun wawanakapax kusisiniwa, Israel markpachaw kusisirakini.