[1] ¡Taqpach markanaka, ampar t'axllirasipxam! ¡Kusisiñat art'asiñampi Diosar jach'añchapxam!
[2] Tatitux muspharkañ axsarkayawa, taqi akapachan jach'a Reyipawa.
[3] Jupaw markanakarux t'unji, amparasaruw uka markanak katuyi.
[4] Jupaw markapäñatak ajllisistu, munat Jacobun jach'añchatäñapataki.
[5] ¡Tatit Diosax qunuñaparuw makhati, kusisiñat arnaqt'asis taypina, trompetanakan phust'asitap taypina!
[6] ¡Q'uchupxam, Diosatak q'uchupxam! ¡Q'uchupxam, Reyisatak q'uchupxam!
[7] ¡Kusisiñampi Diosar q'uchupxam, jupaw taqpach uraqin Reyipaxa!
[8] Diosax markanakan Reyipawa! ¡Diosax qullan qunuñapxan qunt'atäskiwa!
[9] Akapach markanakan jilïrinakapax Abrahaman markapampiw tantachasipxi,
[10] akapachan jilïr kankañax Diosankiwa. ¡Jupax taqi kunxar jilïriwa!